Dor ku algun arteria rònt di e kurason por ferstòp òf sera, por sosodé ku un parti di un kurason pa tempu largu no ta haña sufisiente sanger i pues no ta haña mas energia. Konsekuensha por ta ku e parti ei di kurason ta muri pa falta di oksígeno. E kurason ta sigui bon sí, pero tin un parti di e múskulo ku no por partisipá aktivamente. Ora e parti ei muri, nos ta papia di un atake di kurason òf infarto di kurason. Kaminda e parti ei di kurason a muri ta desaroyá un sikatris. E sikatris a lo largu ta kombertí den un tehido i ta funshoná komo parti integral di e kurason, aunke ku e no ta partisipá ora e kurason ta kontraé. Un atake di kurason pues ta konsekuensha di falta di oksígeno den kurason.