General

Zorgkaartcuracao.cw ta duna un bista di dunadó di kuido i di institutonan di kuido na Kòrsou. E wèpsait ta ofresé bo informashon pa bo haña e mihó fasilidatnan di kuido. Zorgkaartcuracao.cw ta un wèpsait di Instituto di Salubridat Públiko di Kòrsou (VIC).

Zorgkaartcuracao.cw ta menshoná dunadó di kuido i institutonan di kuido ku ta ofresé kuido sigurá na Kòrsou. Bou di kuido sigurá ta komprondé kuido kubrí totalmente òf parsialmente pa bo seguro médiko òf otro areglo manera por ehèmpel Lei di Labizjan (AVBZ).Zorgkaartcuracao.cw ta para habrí pa (bou di kondishonnan) hasi menshon di otro profeshon. Bo ke mira bo profeshon paresé riba e wèpsait akí? Manda nos un mensahe a traves di e página di kontakto.

Bo por registrá bo dunadó di kuido a traves di e página di kontakto. Duna nos a lo ménos e nòmber, spesialisashon i preferiblemente tambe e adrès i number di telefòn. Lo menshoná únikamente dunadó di kuido i institutonan di kuido rekonosé pa gobièrnu riba Zorgkaartcuracao.cw. Den kaso ku esaki resultá asina bo dunadó di kuido lo paresé riba e wèpsait dentro di 5 dia di trabou. Bo registrashon ta hasi Zorgkaartcuracao.cw mas kompleto.

Nos ta komprometé nos mes pa duna informashon korekto, kompleto i aktual riba Zorgkaartcuracao.cw. Sinembargo, por tin menshon inkorekto, inkompleto òf antikuá di dunadó di kuido. Esaki ta debí ku e informashon riba e lista di kuido ta kreá basá riba otro fuentenan di informashon i ta revisá esaki anualmente. Bo por manda bo komentario a traves di nos página di kontakto. Duna nos a lo ménos e nòmber di e dunadó di kuido i loke segun bo opinion mester kambia. Bo komentario ta hasi Zorgkaartcuracao.cw mas kompleto.